Aufaschling leben

Das Bild zum Gedicht

Akt_klein
Zusammenfassung
277 Aufaschling leben Juli 2014

Gedanken, die mir bei einem Malkurs bei Rudi Pignetter gekommen sind. Das erste Aktbild (2013) war ja von recht bescheidener Qualität, die ich so nicht stehenlassen wollte. Ich habe sehr viel dazu gelernt. Das hat recht nachdenkliche Assoziationen hervorgerufen, was das Lernen und das meist doch recht dilettantisches Herangehen an die Aufgaben im Leben angeht

Bild Kurt Pikl Acryl 2014
Zum Vorlesen hier klicken!

Vorig’s Johr hu i a Aktbüdl gmoin,
domois hot ma des eigentlich gonz guad gfoin!
Mit da Zeit kimmb ma nocha decht no die Idee,
do soidst vielleicht no amoi in Moikurs geh!

No amoi u’fonga, bessa wean,
weniger Fehler mochen, tat i hoid gean,
zum Start zruck, des wünscht ma si so oft,
das ma’s bessa mocht, is wos ma hofft.

Leana, die Farben des Lebens bessa z’varrian,
die Händ in da Beziehung zorta z’fian,
Schatten und harte Konturen a wenk vawischen
und oiwei wieda die Emotionen auf z’frischen.

Boid bei noien Herausforderungen a Gebrauchsanweisung pickat,
oda di ebba in a Schui für Lebensweisheit schickat:
Vüh Tränen und brochne Heaschzen bleibaten dasposcht,
weist deine Fehler fria gnuag g’woscht.

Owa so geht’s  hoit nit, so is im Leben,
noch jedem Fehler muas a Rückschau geben,
mia miassn gonz hoscht leana und a leiden,
des losst si im Leben nit vameiden.

War adiam schee, kunnst no amoi u’fonga
bei meina Nockat’n is des ja gonga
wa guad, es tat a siest die Meglichkeit geb’n
mit dem gonz’n Wissen no oamoi aufaschling z’lebn!

Beschreibungen und Ausdrücke

aufaschling = rasch rückwärts
Aktbüdl = Aktbild, Aktgemälde
domois = damals
guad gfoin = gut gefallen
nocha decht = dann doch
Moikurs = Malkurs
no amoi u'fonga = noch einmal anfangen, beginnen
bessa wean = besser werden
hoid gean = würde ich gerne
leana = lernen
z'varrian = zu verrühren, zu mischen
zorta z'fian = zarter zu führen
a wenk vawischen = ein wenig verwischen
oiwei wieda = immer wieder
pickat = kleben würde
die ebba = dich jemand
bleibaten dasposcht = würden erspart bleiben
fria gnuag g'woscht = früh genug merken würdest
hoscht leana = hart, schwer lernen
war adiam schee = wäre manchmal schön, gut
noamoi ufonga = noch einmal anfangen
is des ja gonga = ist das gelungen
wa guad = wäre gut
es tat asiest = es würde auch sonst
no amoi = noch einmal
aufaschling z'leben = rückwärts, in die Vergangenheit zu leben