Da Weana

Das Bild zum Gedicht

wiener
Zusammenfassung
82 Da Weana

nach einem Witz - für unsere lieben Wiener Freunde anlässlich einer Eröffnung eines Innsbrucker Büros einer Wiener Beratungsfirma
Zum Vorlesen hier klicken!

Die Weana meng die Tiroia gean,
drum send ja a so vü vo ins unt in Wean!
Mia miassnd schaugn, dass Geschäft guat geht
und das bei ea unt ebbas weidageht.

Kemmand d’Weana amoi zu ins nach Tiroi,
nocha kimmb ma vie – sie fühn sie woi –
und decht – irgendwas is nit gonz klor,
die Gschicht die i enk vazöh is wirklich wohr!

Auf da Innschbrugger Uniklinik gibbs a Projekt,
bei dem’s aussafindn woit’n, wos an Kopf in steckt –
und warum’s so groasse Unterschiede geit –
oafach, warums zwischen die Tiroia und die Weana so weit feit.

Zeascht hommbs an Tiroia s’Hirn aufgmocht!
Do hots gonz rosa aussaglocht,
es wor schee – krod so wia’s soid sein!
Ois rosa, prall – hoit oanfach fei!

Oft hommbs des Gleiche bei an Weana Kopf prowiascht!
Hommb a s’Hian aufgmocht – es wor schon gstiascht,
do hommbs bled gschaut – es wor ois laar – komplett!
Nur 2 Draht send gsponnt gwen – es wor nit nett!

Die Professoren hommb an Kopf nur gschittelt
und an der Birn a wenk ummagrittelt,
hommb berotschlagt, wos mochen kunnt’n
und hommb die längste Zeit koa Lösung gfund’n.

An Internet hommbs gsuacht – ob da wos steht,
wia des mit an Weana Kopf vielleicht geht.
Oft an galing hommbs es decht riskiarscht –
wos nocha gscheng is, des wor scho gstiascht!

Da Dokta, die Schwestern und da Assitent
schaug’n zu, wia da Professor mit gonz schweissnasse Händ
die Kawi ozwickt – donn wor die Erklärung gfund’n:
Oi zwoa Ohrwaschl lieg’n an Boden untn!!

Beschreibungen und Ausdrücke

miassnd = müssen
ea unt ebbas = ihnen unten etwas
weidageht = weitergeht, erledigt wird
enk = euch
vazöh = erzähle
zeascht = zuerst
hommbs = haben sie
aussaglocht = heraus gelacht
krod = gerade
oafach = einfach
prowiascht = probiert
gstiascht = komisch, sonderbar
bled gschaut = dumm geschaut
laar = leer
Draht = Drähte
Birn = Birne, Kopf
ummagrittelt = herum gerüttelt
oft galing = irgendwann
gscheng = geschehen
Kawi = Kabel
owzickt = abzwickt
gfunten = gefunden
oi zwoa = alle beiden