Erdkunde

Das Bild zum Gedicht

Australien
Zusammenfassung
283 Erdkunde Gedicht Oktober 2014

Überlegungen zum Schulanfang
Zum Vorlesen hier klicken!

Im September hot die Schui u’gfonga,
da sand die Easchtklassla in die Klassen gonga,
voi Erwartung, Spannung, wos eppa geit,
ma siecht, dass die mehran Kinder g’freit.

Noch a poor Wochen im Erdkundeuntarricht
vazöht da Lehra mit an Globus a nette G’schicht:
Dass die 5 olympischen Ringe nit die Kontinente send,
und frog, wer denn die gonzen Erdteile kennd.

Des Ozeanien is kloa und Asien groas,
Amerika und dass mir in Europa send, wia jeda woaß,
Südamerika und Afrika, die Antarktis mit vüh Eis,
und vom Äquator, des is um die Mitt’n umma der Kreis.

Vazöht, dass friara gmoand hommb, die Erd is a Scheibn,
und warum mia auf da Kugel pickenbleibn,
dass sie die Woid draht, drum gibbs Tog und Nocht,
und dass insa Erd a Roas um die die Sunn umma mocht.

Die Kinda send aufmerksom und mucksmeisastad,
damit koana vo da Gschicht wos iwahean tat.
„Kinda lost’s guad auf, wos i jetz sog
passt’s guad auf, i hu a Frog:

Schaugg’s, wo mei Finga is, is Österreich.
do links is Tiroi, des nicht neich,
in dem Eck – ma daliest’s nit gonz
do is zwischen die Berg in is Seinihons.

Wos moants, i kunnt ja jetz a Schaufi hobm,
und an Schuihof oiwei weida und no weida oichigrobm,
oiwei weida, togelong und ohne untaloss,
so – und jetzt denkts noch, wei i frog enk wos:

Wonn i im Schuihof a groaße Schaufi hatt,
wos passierat, boid i so ohne Pause grobn tat?“
Da Franzei reißt die Hond auffi: i kenn mi do aus!
Sie kemmand gonz sicher noch Hoi ins Irrenhaus!“

Beschreibungen und Ausdrücke

Schui = Schule
u'gfonga = angefangen
Easchtklassla = Schulanfänger
wos eppa geit = was passieren wird
ma siecht = man merkt, man sieht
vazöht = erzählt
friara gmond hommb = dass sie früher gemeint haben
a Roas = eine Reise
umma mocht = herum macht
mucksmeiseistad = mucksmäuschenstill
wos iwahean tat = etwas überhören würde
lost's guad zua = horch gut zu
ma daliest nit gonz = man kann es nicht ganz gut lesen
Seinihons = St. Johann
wos moants = was glaubt ihr
i kunnt = ich könnte jetzt
a Schaufi hobm = eine Schaufel haben
oiwei weida = immer weiter
oichigrobn = hinuntergraben
oiwei weida = immer weiter
noch hoi = Hall in Tirol (Sitz der Nervenheilanstalt)