FKK

Das Bild zum Gedicht

306 FKK
Zusammenfassung
306 FKK
Gedicht Oktober 2015

Assoziationen aus einem FKK-Urlaub - mit einer Pointe, wie wir sie jeden Tag in den Medien hören

das neue Bild aus der Serie Mu&Ma dazu
Acryl Kurt Pikl
Zum Vorlesen hier klicken!

Heia wor i auf Urlaub in Korsika in an kloan Bungalow,
da gibbs jo no koane großen Hotelkasten – da bin i froh,
nid z’hoas, des Wossa sauwa und wenk Leit
so an Urlaub z’mochen is a Freid!

D’Ressa, Kia, die Fokken und die Goas,
siggst nehm da Strossen bei so oana Roas,
do gibbs hoache Berg – a gonz schees Lond,
wo’s auf schmoie Strassln ummafond.

Insa Strond wor FKK mit lauter Naturlisten!
Eher reifere und eher schware Kisten,
oi send nockat, wos dazua fiascht,
dass sie des Gravitationsgesetz komplett nei definiascht.

Dawei i im Sand spazian geh,
kimmb mia auf oamoi so a blede Idee:
Amend hommb die Schneggn im Goschtn FKK!
Und dass die Plog damit leicht zun erklären waa!

Dass iwaroi send und gorois fressen,
den eigenen Goschtn kust jo woi vagessen,
da schenst’d Salod, die Gortenprocht,
ois u’gschlatzd und o’gfressen iwa Nocht!

Des Schneggekorn is wia die blauen Tabletten,
dia die reifen Herrn im Bett a wenk ummiretten,
mia kimmb vie, die Schneggen weand dadurch animiascht,
wos zu an regelmäßigen Gruppensex vafiascht!

Do weascht da Ruaf noch da EU wieda oamoi laut!
Damit’s a G’setz dafinten, und Barrieren aufbaut,
mia miassn’d fie die Schneggen zu an Vateilaschlissl kemma!
Die Sauviecha soind g’fälligst die onan Gaschtla nemma!

Beschreibungen und Ausdrücke

heia = heuer
nid z'hoas = nicht zu heiß
des Wossa sauwa = das Wasser sauber
wenk Leit = wenig Leute
d'Ressa = die Pferde
Kia = Kühe
die Fokken = die Schweine
die Goas = die Ziegen
siggst nehm da Strossen = siehst du neben der Straße
ona Roas = einer Reise
hoache Berg = hohe Berge
schmoie = schmale
ummafond = herumfahren
nockat = nackt
wos dazua fiascht = was dazu führt
defininiascht = definiert
auf oamoi = auf einmal, plötzlich
amend hommb = wo möglich haben
im Goschten = im Garten
die Plog = die Plage
iwaroi = überall
gorois = gar alles
kust ja woi = kannst du wohl
schenst'n Salod = schönsten Salat
ois u'gschlatzt = alles verschleimt
o'gfressen = abgefressen
ummiretten = hinüberretten
mia kimmb vie = mir kommt vor
vafiascht = verführt
a G'setz dafinten = ein Gesetz erfinden
mia miassn'd fie die = wir müssen für die
Vateilaschlissl = Verteilungsschlüssel
kemma = kommen
soind g'fälligst = sollen gefälligst
die onan Gaschtla nemma = die anderen Gartenbesitzer nehmen