Kitzbühel

Das Bild zum Gedicht

Ketten
Zusammenfassung
242 Kitzbühel
Jänner 2013

eine aktuelle Verkehrswarnung für das verschneite Kitzbühel
Zum Vorlesen hier klicken!

Kitzbühel  is nit nur in die Feiertag mondän,
da trifft sich wirklich „reich und scheen“!
Die Auto vor die Hotels send wia die Dunggratten groß,
da spüht si si o, da ist was los!

Bein Shopping hommb die Dianei Highheels u,
i ku nit vasteh, wia ma do iwahaupt damit gehen ku,
da siggst scho, da spüht’s Goid koa Roin,
boid’s vo die teian Gschäftn s’Zoig aussahoin.

Bei die Dianei, dia’s zu die Party mitnemmand,
kust segn, dass die frisch vom Service kemmand!
Die Manda send nimma gonz neich,
dafie send die mehran owa reich!

Am Dekolleté wean die goidnan Ketten präsentiascht,
die Ohrringln und da gonze Schmuck is g’stiascht,
damit die Ketten a richtig zur Wirkung kemmand,
glab i, dass die mehran an Pushup nemmand.

Boids nocha spader ummi a wenk wos trunken homm,
rucken’s voller Liebe gonz eng zomm,
die Hormone hommb nocha Wandertog,
da geht’s hoas her, wonn i das sog!

Mit’n Schnee is hoia nit gor z’rar,
i glab owa decht, dass wichtig war,
boids a Warnung gab, des  war a Gschicht:
In Kitzbühel ist vüh Verkehr und Kettenpflicht!

Beschreibungen und Ausdrücke

Dunggratten = Miststreuer
spüht si si o = da spielt es sich ab
hommb = haben
i ku nit = ich kann nicht
vasteh = verstehen
iwahaupt = überhaupt
da siggst schon = da siehst Du schon
da spüht = da spielt
Goid koa Roin = Geld keine Rolle
boid's = wenn sie
die teian = den teuren
aussahoin = herausholen
dia's = die sie
die mehran = die meisten
g'stiascht = nett, schön
kemmand = kommen
neammand = nehmen, verwenden
spader ummi = später (Zeit)
zomm = zusammen
do geht's hoas her = da geht es heiß her
wonn i das sog = wenn ich Dir das sage
not gar z'rar = nicht allzu weit her
i glab owa = ich glaube aber
decht = doch