Da Franzei kimmb vo da Schui gonz aufgeregt
und dawei er d’Schuitasch brav in d’Eggn legt
sogg a: „Woaßt wos mia hommb gleand?
Es gibb Lända, wo meara’s Frauen gheirat weand!”

„Boidst z’vüh Frauen host, hoast des Polygamie“
und legg an Papa a Foto vo an Harem hie.
„Monogamie hoaßt des Gegenteil – so is auf da Tofi g‘standen,
do is oiwei nur oa Frau vorhanden.“

Da Papa lost si des in Ruhe u.
Ma sicht’s das a des ois guad vasteh ku,
und murfelt, ma gwoschtz, dass a des nit laut sogn wü:
„Nocha hu i a Monogamie – und decht hu i oane zfüh!“