Weihnachtswunsch

Das Bild zum Gedicht

Gott
Zusammenfassung
136 Weihnachtswunsch - bitter

ein kritisches Adventsgedicht - in memoriam für den kleinen Eric, der von seinen Eltern zu Tode gequält wurde (Zeitungsberichte)
Zum Vorlesen hier klicken!

I hu glesen, dass jetz im Vatikan 23 noie Kardinäle sand,
i wunder mi, was dia gstondna Manda an gonzn Tag dand!
Is wia bei insra Regierung – da is jo a nit oiwei gwies
ob des was dabei aussakimmb schon oiwei     s’Geld weascht is!

I bi koa groassa Kirchengeher, geh a nicht recht zur Beicht,
mit’n eigenen Gwissen reden, is adiam a nicht leicht!
Des hoast owa nit, dass do nit Ebba is, der ois loat,
der wos irgendwann zun Orechna auf ins boat.

Irgendwer hot sie ja des ois amoi ausdadenkt,
hot ins die Natur und Weiwaleit gschenkt!
Owa des was dia an Vatikan so vakindn,
ku i gonz oafach nit oiwei richtig find’n!

Jetz vou Weihnachten kimmb ma ja adiam as Denken,
tuast den richtigen Dingen im Leben Aufmerksamkeit schenken,
benimmst di oiwei so, dass Christkindl s’Briafei mitnimmb –
dass rundum di ois so hoibwegs stimmb!

Boid is so schau, geling’s ma nit so schlecht!
Freia – mehr auf’d Umwöd schaugn wa krecht,
die Orma vielleicht besser unterstützn,
vielleicht kunnt i die Weihnachtszeit dafie a wenk nützn.

Owa irgendwas ku i oafach nit fossen!
Wia ku der do obn so manche Sachen zualassen!
In Deitschland kriag a kloas Kind nix zun Essen und zun Trinken,
bei ins weascht a kloana Bua daschlogn – kunnst vor Scham versinken.

In Afrika jogn’s d’Weiwaleit wia die Hasen – de sand so orm!
Die Kinda miassn Kriagfian, sand fie’s weidare Leben verdorm!
Na – irgendwas passt hint und voun nit zomm!
Mia sand so reich owa es sand so vü Leit orm!

Mei Weihnachtswunsch fie’s heirige Jahr
Is gonz kuschz und oafach – gonz ondla wahr:
Schaug wieda oamoi ocha – nit oiwei wo onascht hischaugn!
Schaug wos aus dein Werk gmoch hommb – des tat ma taugn!

Beschreibungen und Ausdrücke




stondna = gestandene
Manda = Männer
dand = tun
insra = unserer
oiwei = immer
gwies = gewiss, sicher
weascht = wert
adiam = manchmal
Ebba = jemand
ois loat = alles lenkt
Orechna = Abrechnen
boat = wartet
Weiwaleit = Frauen
vakindn = verkünden
Briafei = Christkind-Brief
hoibwegs = halbwegs
Umwöd = Umwelt
krecht = richtig
Orma = Armen
daschlogn = erschlagen
voun = vorne
zomm = zusammen
ocha = herunter
wo onascht = wo anders