Da Regenwurm kriacht durch feichte Gros,
ois is no vom Regen nos,
die Ean is woach – so mog as gean!
Es schaugg sie guat – soid a scheens Tagei wean.

Auf oamoi sicht a auf da onan Strossenseiten
a Regenwurmdame – de tat a gern begleiten!
Er biag schorf o – denkt sie, des homma glei –
do iwa die Stross ummigeh, do is sicher nix dabei!

Der Asphalt is hoas, die Sunn brennt her,
er weascht gonz matt, an galing ku er nimma mehr!
Auf oimoi gspiad a zwoa Finga, die’n sanft umfossen –
und eam nehm seiner Regenwurmdame oachalossen.

I hu a oan khobb, der irgendwo do obn huckt
und wiar i foisch unterwegs gwen bi, hot a si buckt,
hot mi ummighobn und bei dir ochalossen –
i ku mein Glick bis heit no nit gonz fossen!