Page 17 - Hoangascht_2010

Oschwaggelschneegfüh Danaxt bi i no oamoi Schifoan gwen, glei a da Fria – ma hot’s durch’n Newi gsegn - es weascht gonz sicha a scheena Tog, nit koit, mit an scheen Schnee – so wia i des mog! S’easchte Moi wor’s no boanig – es hot mi oichigrittelt und vo ohm noch unten durchigschittelt. Owa nocha - der Firn! Du woast sicher wos i moan - do brauchst zun Beggeimochen fost gornix mehr toan! A wenk mit Osch waggeln und scho mochst an Bogen, es kimmb da vie du kust fliagn - des is nit glogen! Es geht so leicht, mechtst juchezen und lochen und oa Begei noch’n onan mochen. Is wia boid da Bua oda s’Diandl a schee’s Zeignis bring oder unbehoifn in Kindagoschtn a Liadl sing, boid’s da des neigeborene Kind in die Orme legn, oda boid’s die u’strengst und du bringst es decht no z‘wegn. Boid da eppa den’st gern mogst, durch die Hoor durchifoscht und du den sei Liab gonz unvamittelt gwoscht. Is leida oiwei nur kuschz, die Zeit so wia’s noch’n Firn glei amoi an patzigen Schnee ogeit. Muast aufpassen, dass die Momente nit iwagwoscht solang da Schnee schee is, boid’st durchifoscht I tat vorschlogn, das mia fie dia Situationen a neich‘s Wort kennand und des gonz oafach: "Oschwaggelschneegfüh" nennand. 15