Page 13 - Hoangascht_2011

Tauben Mein scheen neichen Anorak hot so a Tauben auf’n Gwissen - sie hot ma von Viedach ochagschissen! Adiam a Leit fuadan's – sie megn die Tauben gern, i nit so, wei si si so schnoi vermehr’n! I tat gern zu dem Problem an Lösungsvorschlag nenna, wia ma da zumindest a Vabesserung zommbringa kenna! Mia soid’n zu die Tauben a poor Papagein zuachilossen, sie kunnt’n vielleicht a poor Bresei Viagra ausfossen, damit’s zwischen die Tauben eichizischen und damit gonz kräftig bluatauffrischen. Die Tauben wuscht’n nit nur bunt und scheena - sie learnat’n a, wia si si fies Auffischeissen entschuldigen kenna! 11