Page 18 - Hoangascht_2011

Fingertrick „Mei, host du an schee’s Aquarium! Do schwimman'd so vüh scheene Fisch herum, mit große Flossen, wie Seidenschal, des is wundavoll, des gfoid ma total!” “Jo – des is mei Hobby – i pfleg des scho an edla Johr, ois so in Schuss hoiten is vüh Orweit – des is klor! Owa i hu mi damit auseinandergsetzt, mach des genau, kimm her i zoag da wos, huck di her und schau!“ „Boid i mit’n Finger hin und herfohr – gonz konzentriascht, foig'n ma die Fisch irgendwann – i find des is gstiascht! Des zoag, dass der Einfluss mit der Entwicklungsstufen woxt kust es gern amoi prowian – wenn‘st moxt!“ „I muass eh an Sprung weck – moch da ruhig an Kaffee, wo’s Zoig z’ find’n is des woast jo eh‘!” Nachdem ois im Leben a wenk zusammenhäng merk i, wia si a Vagleich aufdräng: Es gib auf da gonzen Woid so vüh, die mit ins den Fingatrick probian, brauxt die ja nur umschauen – des kust iwaroi g‘spian! Vazöhn ins, dass nur des Beste fie ins woin, dawei si si nur den Vorteil fie si soiwa aussahoin! Kimm is zruck ins Zimma – mi z‘reissds fost vor Lochen: im Wossa send d‘Fisch, die s’Moi auf und zu mochen! Mei Gast huckt voan Aquarium – ma sicht’n schnappen, wia bei die Fisch geht auf und zua sei Pappen! I hu mei gonz Leben vasuacht, der mit dem Finger z’sei! Wor nit oiwei oafach, wonn’s geling is fei! Es tuat guat, sie vo Zeit zu Zeit zu'n wehren, des is gwies a wonn’s miasehlig und adiam a g'fährlich is! 16