Page 20 - Hoangascht_2011

Hundeführerschein I fohr mit’n Auto durch Wean, fohr sist e liawa mit da U-Bahn – tua des nit gean. S’Navi sog, dass zun rechts o’Biagn weascht, leider bi i gonz links – i bi vakeascht! Blinka eichi – i prowia ob‘s geht 3 Spuren soid i ummi – jo des is bled! Vorsichtig aussi – es is nit zu fossen! Moast dass mi dia Riapi ummilossen? Rechts geht nix – links steh blinkat i, i kimm ma wiar a Voidepp vie! Der hinta mia in sein SUV hupt und blinkt – es is nit schee! Die Ampi weascht rot – i bi koa Fes nit gscheida der hinta mia hup und blink oiwa no weida! Mia reichts – s‘ Fensta oichi – an Mittelfinga aussihebn der Depp soid endlich amoi an Frieden gebn! Der hinta mir hot schiaga an Herzkasperl kriag! Wia’s wieda grea weascht siech i wira aussiziag. Jetz vasteh i eascht, zu wos da Hundefiraschei is: Damit soiche bledn Hund a Autofohn derf'n – des is gwies! 18