Page 49 - Hoangascht_2013

Fifty Shades of Grey Die Triologie mit 1200 Seiten weascht a so oft kafft so gonz vasteh i nit, warum des Buach so guad lafft mit Kett'n oda mit Handschoin u'bindn bein Bett mit Peitschen aussahaun - wo's is do nett? Owa des Buach is onscheinend der Renner vo dem Johr Fie die Autorin sicher guad, des bring vüh Goid - gonz klor! Anscheinend send's meistens die Weiwaleit de des lesen so is danaxt in da Zeidung g'schrieben g'wesen. Am Stammtisch wor des a Thema zun Diskutian da Fronz moand, des mecht a a prowian das Sepp wirft ein, des is nit gscheit wei's nocha amend wirklich ondla Pitsch-Patsch geit! Schaugg, do steht, dass'd Frauen boid's reifer send auf "ausgefallenen Sex" mit die Manda stehnd! Die Meinungen dazu, die send recht g'spoitn die Zuastimmung zu dem Bledsinn is vahoitn! Da Ruap sogg nix, bis a aufoamoi munter weascht: "Des is wia bei ins, jetz vasteh' is eascht: Montag, Dienstag, Mittwoch, Donnerstag und Freitag ausg'foin gonz bled is koa Liab am Wochenend vor oin!" 47