Page 53 - 2017

Christbaam suachen

"Weihnachten wie es früher war" - da noie Trend,
mit Keksbochen, Rachengeh, wias bei ins jeda kennt.
Aufs Christkind boaten, in die Metten geh,
des is nid nur fie die Fremben schee!
Da Karl-Gustav hod a Ferienwohnung g'suacht
und bein Huwabauern iwa Weihnachten buacht.
Er hofft, die Kinda kennand im Stoi zuschaun
mit an Wuzel Schnee zu Schneemonn bauen.
A Iwarroschung gibbs! Wei's fünf Tog buachen:
Sie derfen sie soiwa im Woid an Christbam suachen!
Des is bärig, worm einpocken des is gscheit,
die zwoa Buam und da Votta hommb a große Freid!
A Becki kriangs, an Fuchsschwanz und a Stricki,
nocha pfnasen an Woid auffi, wei do is sticki!
Sie schmeissen Schneeboin auf die Baam,
hoffen, dass d'Lawin auf den onan ochakam.
Sie kriachen ummadum, kinnand sie nid entschliaßen,
send auf und auf voi Schnee vom Ummaschiaßen,
die Sunn is fost scho hinta die Berg vaschwunden,
sie wissen oiwei no nid, wöchan Baam das nemma kunnten.
"Kommt Kinder, meine Finger sind ganz steif!
Die blöden Christbäume sind ja noch garnicht reif!
Der Huberbauer, der sollte sich was schämen,
jetzt müssen wir Christbäume ohne die bunten Kugeln nehmen!"

53