Page 49 - 2017

Jungfrau

An Hansi sei Schwesta is zun Himmidati gonga,
er muass des Begräbnis zun Organisian u'fonga.
Die Lisi wor j brav und a guade Haut,
er hod des gonze Leben a wenk auf sei Schwesta g'schaut.

Mid die Mannaleit is nid recht zomm dakemma,
woit si s'gonze Leben nia an Partner nemma.
Is vüh in Kirchen gonga, hot vüh bet,
wor zu die Godenkinda und de Basei nett.

Da Hansi sitzt beim Totengrober im Büro,
der kennt si do aus, um d'Hüf is er so froh!
Er muass jo des Begräbnis organisian,
mid Grobstoa, Musi, die Leich durchs Stadl fian.

"Sie woit oiwei gean, dass auf'n Grobstoa steht:
"Ein Leben im Glauben und als Dienerin des Herrn" wenn's geht,
dazua no:
"Mein ganzes Leben habe ich in Jungfräulichkeit verbracht
und mit Blick aufs Paradies auch keine Unkeuschheit gemacht"

"Bualein, der Text is woitan long,
boid i do a wenk zun Plana u'fong,
geht si des nia aus, mia miassen kischza wean,
mia miassn des auf'n Stoan auffibringa, des häd i gean!"

Da Hansi huck nur do, hod keine Ahnung,
is fie eam neich, so a Begräbnisplanung!
Da Totengrober mocht Vorschläg, red und red,
sie kemmand auf koan grean Zweig, es is a G'frett!

"Mei Vorschlog war, mia mochen des wia bei da Post,
des fost des guad zomm und wei's a weniger kost,
gonz knopp und komprimiert, mir schreiben nur,
mid oana scheen Schrift auf'n Grobstoa: "Ungeöffnet retour"

49