Page 45 - 2017

U'ziang

Endlich, endlich hod a's ums Heiraten g'frog!
Sie hod vor lauta Rührung fost nix dasog!
Er kniad vor ihr und hod a Schachtal in da Hond,
die goidan Ring bestaunens oi midnond.
Nocha geht los, es hob's jo keine Ahnung,
so a Hochzeit is Streß mit da gonzen Planung!
A "Kapelle mit Blick auf die Berge" soid's sein,
a poor kloane Dianei zun Blumenstrahn wan fei,
die Gäst zommschreib'n, die Eilodunga drucken,
die Tischordnung mochen, damit d'Leit richtig hucken,
die Musi, s'Menü, sie denkt noch Tog und Nocht,
damit ois perfekt is und sie koan Fehler mocht!
Nua bein U'ziang, do is total danebn!
Hoffat, die Mama kunnt an Tipp o'gebn.
Weiß mit Schleier? Vüh Goid fie a poor Stund!
Woas owa nid, wos a Alternative sei kund.
Da Papa mecht sich vo der Entscheidung drucken,
er sog nid vüh, bleib oafach vorm Fernseher hucken.
Ob weiß oder bunt, glott oda mit vüh Foitn,
aus der Diskussion mecht a si an liabsten aussahoitn.
Der letzte Ausweg - die Oma, de woas oiwei wia toa!
"I glab, des is gornid so schwierig, wia i moa!
Es weascht heid nid onascht sei ois wia bei mia:
Boids guad wean soid, ziach oafoch u die Knia!"

45