Page 30 - 2018

Doktaspühn

Da Franzei und die Lisi send guad bekonnt,
send seid’n Kindagoschdn vüh beinonnt,
midnond Hausaufgobn mochen, Radl fohn,
de zwoa send richtig dicke Freunde wohn.
Hommb am Grami in an Staudomm baut,
und hommb sie Sandbozen ummik’haut,
send dreckig g’wen, owa mit an Glonz in d’Augn,
so richtig Kind sei, des tuat ea taug’n!
Da Schaum in da Bodwonn is so fei,
do hucken di zwoa an worma Wossa drei,
homm’s lustig, tand si ochiz’wogn,
is so wias sei soid, tat i sogn.
Nochan Boisl muas d’Lis die Untawossawelt erkunden,
do hod’s bei Franzi zwischen die Fiass wo’s g’funden!
Schupft a wenk ummadum und daweis aso uichigreift
hot’s Gfüh, da Franzi fiarcht sie, wei a si vasteift!
Das Franzei muass des Terrain bei da Lis erkunden,
er hod owa beim besten Wühn zwischen d’Fiass nix g’funden:
„Hallala, i hu a Zipfi und du decht nid!“ is er donn g’scheit,
und protzt mid seiner männlichen Iwalegenheit.
Die Lisi denkt auf – sie hod a Foto g’segn,
es is beim Papa in da Nochtkastschublod gwen:
„Hallala, los auf wos i da jetzt sog:
Boid i groaß bi, ku i sovüh Zipfi homm ois wia i mog!“

30