Page 6 - 2018

Neijohrswunsch

Silvester is oiwei so die Zeit,
wo's a wenk ebbas zun Denken geit.
Zruggschaugn, wia is g'loffen,
owa a Vichischaugn und a wenk hoffen.

Mid'n oit'n Johr bi i recht z'fried'n,
mia is jo in da Familie vüh Glück beschied'n,
bei denen, di mia wichtig san, is die Gsundheit guad,
so schau i ins naxte Johr mid Zuversicht und Muad.

Dawei's im Radio um Mittanocht vo Zehne ochazöhn
und mia ins voi Erwortung und Liab nebeneinonder stöhn,
denk i ma: "So a Bledsinn, dass dia do draussen schiassen,
mia wissen jo, dass des die Umwoid und die Viecha biassen!"

Owa es is so wia bei so vüh Bledsinn auf da Wöd:
Koana traut si wos entscheiden - es geht um's Göd!
Es send so vüh, die koa Vaänderung mechten,
die gonze Wöd ruckt oiwei mehr ummi zu die Rechten.

Dawei si die Eliten mit vüh Göd Paläste bauen
und si eanare vahetzten Leit die Kepf ei'hauen,
send mia froh, dass die Flüchtling in Loga hausen,
krod neamb höffen, Empathie zoagn - es is zun Grausen!

Es gibb sovüh deppate Regierungen auf der Wöd,
vüh davu send gonz demokratisch gwöh'd!
Die oi Tog Bledsinn reden, des kust vagessen
und wia die kloan Buam mit'n Atomknopf Zipfi messen.

Die Auto wean'd bei ins oiwei gressa, es is nid zun Fossen,
dawei ma Energie im großen Stil vaprossen
und donn beim Zeit im Bild gonz traurig send,
boid gonze Inseln im Schlomm und Wossa untagend.

Trinkwossa is auf insa Wöd gonz rar,
mia tand owa so, wia wonn des nid so war!
Vabrauchen vüh z'füh, wei ma vüh z'vüh Zoig ubauen,
des ma nocha, wei's neamb braucht, wieda an Mullkiwi hauen.

Es gib a poor tausend Religionen und Regierungen auf da Wöd!
Oi hucken nett zomm, redn vüh und kriang dafie vüh Göd!
Zwischen dem wos ma toa miassad'n und wos ma tan,
wia ma die Luck schliassen, dafie feit ins oi midnond da Plan!

6