Auferstehung
Ma heascht oiwei wieda, dass sowos geit,
dass ebban an Hiankastl obn a wenk feit!
Da Xaver is so oana, er tuat si a wenk schwaar,
a boid a siest a recht nett’s Mandl waar!
A da Schui homm’s scho oiwei ausg’locht
und a spaada hod a nid oiwei ois richtig g’mocht,
er tuat sie hoscht, ku’s nid recht glab’n,
dass a zu oin z’bled is, des tuat’n grab’n.
Er denk noch, wia’ra was Besonderes schofft,
dawei a auf da Ofenbonk a wenk ummischlofft,
er traamb, mecht gean Politiker wean,
do siecht a im Herrgottswinki oben den Herrn!
Der Herrgott schaugg am Kreiz oben z’keit,
wei’s fi eam a wenig bis koane Perspektiven geit!
Da Xaver denk si gonz eifrig: Do hoif ma zomm,
damit ma boade wieda woos vom Leben homm!
A Beizzong, die Brechstong, er is voi Euphorie,
er geht in die Garage und load die Loata hi,
er quagg und schrauft amoi bei da linken Hond,
is sicher, dass des schoffen weand mid‘nond!
Ocha – jetz hod da Xaver endlich sei Erfüllung g’funten,
woaß, dass sie damit Geschichte schreiben kunnten!
Ummi auf die onare Seiten, er werkelt mid Bedocht,
die Nägel send rostig, nid dass a an Fehler mocht!
Da Nogel fliag, es is g’schafft! Dawei a ochasteig,
siecht a wia si der Herrgott auf oamoi viachaneig!
Voi Panik in die Aug’n, da Xaver ku des nid vasteh!
Er hod’n decht vom Schmerz befreit, des is decht schee!
Da Herrgott ruadascht in da Luft ummanond,
suacht, wo a si u’heben kunnt mid seina Hond,
donn schreit a, dawei si vazweifid beim INRI-Tofi u’hebb:
„Du muaßt bei die Fiass mid’n ausnogln u’fonga, du Depp!“
Zusammenfassung
511 Auferstehung
Gedicht Monat April 2023
gut gemeint ist nicht gleich gut gemacht!
Type: witzig
Beschreibungen und Ausdrücke
Man hört immer wieder, dass es so etwas gibt,
dass es jemanden im Hirn oben ein wenig fehlt!
Der Xaver ist so einer, er tut sich ein wenig schwer,
auch wenn er sonst ein recht netter Mann wäre!
In der Schule haben sie ihn schon immer ausgelacht
und später hat er auch nicht immer alles richtig gemacht,
er tut sich schwer, kann es nicht ganz glauben,
dass er zu allem zu blöd ist, das kränkt ihn sehr.
Er denkt nach, wie der was Besonderes schaffen würde,
während er auf der Ofenbank ein wenig einschläft,
er träumt, möchte gerne Politiker werden,
da sieht er im Herrgottswinke oben den Herren!
Der Herrgott schaut am Kreuz oben traurig,
weil es für ihn auch wenig bis keine Perspektiven gibt!
Der Xaver denkt sich ganz eifrig: Da helfen wir zusammen,
damit wir beider wieder etwas vom Leben haben!
Eine Beißzahne, die Brechstange, er ist voller Euphorie,
er geht in die Garage und lehnt die Leiter hin,
er presst und schraubt einmal bei der linken Hand,
ist sicher, dass sie das schaffen werden miteinander!
Herunter - jetzt hat der Xaver endlich seine Erfüllung gefunden,
weiß, dass sie damit Geschichte schreiben könnten!
Hinüber auf die andere Seite, er arbeitet mich Bedacht,
die Nägel sind rostig, nicht dass er einen Fehler macht!
Der Nagel fliegt, es ist geschafft! Während er hinuntersteigt,
sieht er wie sich der Herrgott auf einmal nach vorne neigt!
Voll Panik in den Augen, der Xaver kann es nicht verstehen!
Er hat ihn doch vom Schmerz befreit, das ist doch schön!
Der Herrgott rudert in der Luft herum,
sucht, wo er sich anhalten könnte mit seiner Hand,
dann schreit er, während er sich verzweifelt bei der INRI-Tafel festhält:
"Du musst bei den Füssen mit dem Ausnageln anfangen, du Depp!"