Frogen
Da kloa Franzei is a aufg’weckta Bua,
oiwei in Bewegung, er hod sei Schnawei nia zua,
mecht Ontworten auf seine vüh’n Frogen,
suacht oiwei oa, de eam eppas dazua sogen.
Boid a bei da Oma is, is des sei Freid!
Sie loost eam zua, hod oiwei Zeit,
boid’s an Goscht’n send, oda sie bein Kochen,
er ist gean bei ihr, a poor Moi in da Wochen!
„Derf ma a Togesdecken a in Nocht hernemma?“
„Ob die Fakki aus’n Schlochthof a in Himmi kemma?“
„Warum die runden Pizza in da eckigen Schochtl send?“
Send oft Frogen, wo die Oma koa Ontwort kennt!
„An wo’s des Tote Meer g’storben is?“ Kammad eam donn fi,
Die Frog: „Wenn ma in See sticht, is donn da Meerespiegl hi?“
Oda: „Wia long a Kotz fie an Musklkoder muass trainian?“
Sogg’s a wenk g‘nervt: „Moggst nid insan Hund spazian fian?“
Die Oma ist iwafordascht, häd gean a Ruah,
do hod a no a Frog, der g’scheide Bua:
„Oma, warum hod da Opa auf Kopf a so wenk Hoor?“
Des weascht die Oma sicha wissen, is eam klor!
„Da Opa muass so vüh denken, er is jo so gscheit,
dass es oafoch fie die Hoor z’wenk Kroft o’geid,
drum is a so glotzad, do ku ma hoid nix mochen,
des is da Grund, dafie is a owa guad in onare Sochen!“
Da Franzei is an Moment amoi gonz stad,
d’Oma moad, dass a mid da Ontwort z’frieden sei tat:
„Oma, do häd i no a letzte, letzte Frog, donn waar des fie mi klor:
Wenn des a so is, warum host du am Kopf a so vüh Hoor?“
Zusammenfassung
507 Frogn
Gedicht Monat Feber 2024
von einem wissbegierigen kleinen Buben
Type: witzig
Beschreibungen und Ausdrücke
Der kleine Franzi ist ein aufgeweckter Bub,
immer in Bewegung, er hat seinen Mund nie zu,
möchte Antworten auf seine vielen Fragen,
sucht immer jemanden, die ihm etwas dazu sagen.
Wenn er bei der Oma ist, ist das seine Freude!
Sie hört ihm zu, hat immer Zeit,
wenn sie im Garten sind, oder sie beim Kochen,
er ist gerne bei ihr, ein paar Mal in der Woche!
"Darf man eine Tagesdecke auch in der Nacht hernehmen?"
"Ob die Schweine aus dem Schlachthof auch in den Himmel kommen?"
"Warum sind die runden Pizza in einer eckigen Schachtel?"
Sind oft die Fragen, wo die Oma keine Antwort kennt!
"An was das tote Meer gestorben ist?2 Kommt ihm da vor,
Die Frage: "Wenn man ins Meer sticht, ist dann der Meeresspiegel kaputt?"
Oder: "Wie lange eine Katze für einen Muskelkater trainieren muss?"
Sagt sie dann ein wenig genervt: "Magst du nicht unseren Hund spazieren führen?"
Die Oma ist überfordert, hätte gerne ihre Ruhe,
da hat er noch eine Frage, der gescheite Bub:
"Oma, warum hat der Opa am Kopf so wenig Haare?"
Das wird die Oma sicher wissen, ist ihm klar!
"Der Opa muss viel denken, er ist ja so gescheit,
dass es einfach für die Haare zu wenig Kraft ergibt,
darum ist er so glatzköpfig, da kann man nichts machen,
das ist der Grund, dafür ist er aber gut in anderen Sachen!"
Der Franzi ist für einen Moment ganz still,
die Oma glaubt, dass er mit der Antwort zufrieden wäre:
"Oma, da hätte ich noch eine letzte, letzte Frage, dann wäre das für mich klar:
Wenn das so ist, warum hast du auf dem Kopf so viele Haare?"