Humor
Wenn i wieda amoi a Gedicht feschtig g’mocht hu
und die Gschichtln nocha ins Internet hu tu,
denk i ma adiam, wos sie die Leit ebba denken?
Ku i ea damit scho monchmoi an netten Gedonken schenken?
I schreib jo iwa gonz vaschiedene Sochen,
adiam wos Nochdenkliches – owa a zun Lochen.
Boid i a Büd dazu moi, soid des den Sinn vatiafen,
tat hoid gean in deine Gedonken tiaf eichischliafen.
Es gibt oiwei an Grund zu Lochen!
Mia kinnand damit insa Leben leichta mochen,
damit mia die Ongst vo die Varruckheiten valian,
die dem oft grauenvoi schlechten Regisseur des Lebens passian.
Wennst meine Büda siggst, oda die Gschichten liest
und vielleicht amoi a wenk traurig bist,
soid des Lächeln gonz langsom in deine Augen kemma,
so wias sie im Film beim Sonnenaufgang die Zeitlupen nemma.
Mia mocht a wenk Schmähfian echt a Freid!
Owa a amoi ernst sei, nachdenklich, find i g’scheit!
Boid ma des midnond erleben, donn waa des g’stiascht,
wei des zu Anerkennung und oft zu oana Freindschoft fiascht.
Oi Munat nachz’denken, wos is schreib,
hüft ma, das i im Kopf in schee munta bleib.
Boid da die Zeit nimmst, meine Gschichtl’n z’lesen
und a Freid damit host, is die Orweit wertvoi g’wesen.
I hob in mein Leben recht vüh mit Computa z’toa.
I häd do a guaden Rot fie die, wia i hoid moa.
An geheimen Tipp fie an wichtigen Zuagong tat i da geben:
„HOMOR“ ist des Passwort fie insan Computer „Leben“.
Zusammenfassung
380 Humor
Gedicht September 2018
Überlegungen und Hintergründe zu meinem Hobby Dichten
Foto - beim Denkmal für den bekannten Heimatdichert "Reimmichl" in seinem Geburtsort (eigentlich Sebastian Rieger; * 28. Mai 1867 in St. Veit in Defereggen; † 2. Dezember 1953 in Heiligkreuz (Gemeinde Hall in Tirol))
Type: nachdenklich, witzig
Beschreibungen und Ausdrücke
Wenn ich wieder einmal ein Gedicht fertiggemacht habe
und die Geschichteln dann ins Internet gestellt habe,
denke ich mir manchmal, was sich die Leute wohl denken?
Kann ich ihnen damit schon manchmal einen netten Gedanken schenken?
Ich schreibe ja über ganz verschiedene Sachen,
manchmal etwas Nachdenkliches - aber auch zum Lachen.
Wenn ich ein Bild dazu male, soll das den Sinn vertiefen,
würde damit gerne in deine Gedanken tief hineinschlüpfen.
Es gibt immer einen Grund zum Lachen!
Wir können damit unser Leben leichter machen,
damit wir die Angst vor den Verrückheiten verlieren,
die dem oft grauenvollen schlechten Regisseur des Lebens passieren.
Wenn Du meine Bilder siehst, oder die Geschichten liest
und vielleicht einmal ein wenig traurig bist,
soll das Lächeln ganz langsam in deine Augen kommen,
so wie sie im Film beim Sonnenaufgang die Zeitlupe nehmen.
Mir macht ein wenig Schmähführen echt eine Freude!
Aber auch einmal ernst sein, nachdenklich, finde ich gescheit!
Wenn wir das miteinander erleben, dann ist das fein,
weil das zu Anerkennung und oft zu einer Freundschaft führt.
Alle Monat nachzudenken, was ich schreiben soll,
hilft mir, dass ich im Kopf schön munter bleibe.
Wenn du dir Zeit nimmst, meine Geschichten zu lesen
und eine Freude damit hast, ist die Arbeit wertvoll gewesen.
Ich habe in meinem Leben recht viel mit Computer zu tun.
Ich hätte da einen guten Rat für dich, wie ich halt meine.
Einen geheimen Tipp für einen wichtigen Zugang würde ich dir geben:
"HUMOR" ist das Passwort für unseren Computer "Leben".