Kaminfoia

Profil

Im Seniorenheim homms a Feier organisiascht!
Mit Keschzei, Weihrauch, es woor richtig g‘stiascht!
Es soid Adventstimmung aufkemma und a Freid,
wo’s soimbochne Keks und ebbas zun Trinken geid.

Das Sepp und da Wost hucken a wenk zomm,
wei’s oi zwoa Witwer send und neamb mehr homm
und reden vo frira, wia’s gewen is, voi Nostalgie,
de zwoa send gor a wenk traurig kamm ma boid fie!

„Mid’n Dad bi i an Woid aussi um an Christbaam gonga!“
So hod da Sepp mid seiner G’schicht u’gfonga:
„Soim umschneiden hu i’n derf’n, i kloana Bua!
Tiafa Schnee, a poor Spuun vo di Rech, a heilige Rua!“

„D’Oma hod Keks bochen, so scheene Stean!“
Ma gwoschz, wia de zwoa nostalgisch wean:
„Mid Riwislmamalad, der G’ruch, des woor so guad!“
 Ma siecht, dass da Wost schiaga scho trentzen tuat.

„Und die Wischtlsuppen, des frische Brot dazua!“
Schwärmb da Sepp, ois wia a kloana Bua:
„Da Dad hod so kloane Briafei a Wossa eichitu,
mei woor des guad, wia i des Krachal kriag hu!“

„Der Weihrauchgruch, durch’s Schlisslloch spechen,
in da Hoffnung, dass ma des Christkind sechen
und nocha s’Gleggei, „O Tannenbaum“ singa,
nid daboaten, bis ma zu die G’schenk hispringa!“

„Vo’n Matador-G’spüh aus Hoiz, des mid dem Hammal,
die neue Zuadeck fie des koide Kammal,
vo da Oma die Händling, a worme Untahosen,
von Eberharter Pep seine Weihnachtliada losen!“

„Boid’s Foia knistert, die Keschzen brinnand
und mir in da Stuben beinond sei kinnand,
de Erinnerung ku ma neamb mehr nemma,
a boid ma jetz nimma so nett zommhucken kenna!“

Das Sepp weascht gonz staad, fong u an Poista z‘richten:
„Auf de Erinnerung kunnt i woitan gean vazichten!
Woit’s prowian und hu in da Stuben in des Hoiz u’zunten,
des Knistern hod der Dad owa gornit lustig gfunten!

I  hu zeascht amoi a Watschen kriag, des woor nid nett,
donn hod da Dat die Stubn mid an Kiwi Wossa g’rett,
er schreit mid mia, ob i jetzan scho komplett spinn!
Wei knistert hod’s Foia scho – owa hoid ohne an Kamin!

Zusammenfassung

458 Kaminfoia

Gedicht Jänner 2022

ein nostalgischer Rückblick auf das Weihnachten von früher

Type: Lustig, Weihnachten

Beschreibungen und Ausdrücke

Im Seniorenheim haben sie eine Feier organisiert!
Mit Kerzen, Weihrauch, es war richtig nett!
Es soll Adventstimmung aufkommen und auch Freude,
wo es selbstgebackene Kekse und etwas zu Trinken gibt.

Der Sepp und der Wast sitzen ein wenig beisammen,
weil beide Witwer sind und niemanden mehr haben
und reden von früher, wie es gewesen ist, voll Nostalgie,
die beiden sind fast ein wenig traurig, kommt bald vor!

"Mit dem Vater bin ich in den Wald hinaus um einen Christbaum gegangen!
So hat der Sepp mit seiner Geschichte angefangen:
"Selber umschneiden durfte ich ihn, ich kleiner Bub!
Tiefer Schnee, ein paar Spuren von den Rehen, eine heilige Ruhe!"

"Die Oma hat Kekse gebacken, so schöne Sterne!"
Man merkt, die die beiden nostalgisch werden:
"Mit Ribiselmarmelade, der Geruch, das war so gut!"
Man sieht, dass der Wast schon fast der Speichel herausrinnt.

"Und die Würstelsuppe, das frische Brot dazu!"
Schwärmt der Sepp, als wie ein kleiner BubL
"Der Vater hat so kleine Brieflein in das Wasser gegeben,
das war so gut, wie ich das Brausewasser bekommen habe!"

"Der Weihrauchgeruch, durch das Schlüsselloch schauen,
in der Hoffnung, dass wir das Christkind sehen
und dann das Glöckchen, "O Tannenbaum" singen,
nicht warten können, bis wir zu den Geschenken springen!"

"Vom Matador-Spiel aus Holz, das mit dem kleinen Hammer,
die neue Tuchent für das kalte Kammerl,
von der Oma die Fäustlinge, eine warme Unterhose,
vom Eberharter Pep seine Weihnachtslieder anhören!"

"Wenn das Feuer knistert, die Kerzen brennen
und wir in der Stube beisammen sein können,
die Erinnerung kann uns niemand mehr nehmen,
auch wenn wir nun nicht mehr so nett beisammensitzen können!"

Der Sepp wird ganz leise, fängt an den Polster zu richtenL
"Auf die Erinnerung könnte ich wirklich gerne verzichten!
Wollte es probieren und habe in der Stube das Holz angezündet,
das Knistern hat aber der Vater gar nicht lustig gefunden!

Ich habe zuerst einmal eine Ohrfeige bekommen, das war nicht nett,
dann hat der Vater die Stube mit einem Kübel Wasser gerettet,
er schreit mit mir, ob ich jetzt schon komplett verrückt geworden bin!
Weil geknistert hat das Feuer schon - aber halt ohne Kamin!