Leben
I mog jo Kinda narrisch gean,
send woi des scheenste G’schenk auf insra Ean!
Wonn des Leb’n u’fong weascht oft diskutiascht,
woos oiwei wieda zu vüh Diskussionen fiascht!
Fie mia fong’s Leben scho vüh friara u!
Momente, an de i mia no guad erinnan ku,
nei Munat voa da Geburt, eh hibsch genau,
hod oiwa passt, boid i auf’n Kalenda schau!
Boid ebba, den’st liabst und dia guad gfoid,
wia a Knospen aufgeht, boid’n d’Sun draufstroiht,
wia bei an Krachal sprudelt donn de Bluad,
boid ma des Puival da Liab in’s Wossa tuat!
Boidst vo da Bruggen hupfst, meggst oafoch nua fliagen,
den freien Flug genießen, bei koan Foischschirm ziagen,
do reißt di donn nix z’rugg wia bein Buggy-Jumpen
und die Liachta im Kopf brennen wia Scheinwerferlampen!
Dass do Leb’n entsteht, des is donn fei,
geht nid oiwei, do muast fleißig sei!
Iam, iam und no amoi iabn, des waa mei Rot,
boidst des vageigst, donn waa des schod!
Auf oana Konferenz geht’s um des Thema!
Do send an Haufen Gscheitlecha zommkemma,
ois Manda, jeda widerspricht dem onana,
Vatreter vo die vaschiedenen Religion die do konanan.
Bei der Zeugung moad da onane, des is gwies!
Bei da Geburt sog da onare, wei er sie sicha is,
da oan schwafed vo Wiedergeburt, es is zun Streiten,
wei’s oi auf ihrer Meinung ummareiten.
Die Moderatorin versuacht den Streit zu glätten,
beddelt, dass vielleicht decht a Einsicht hätten,
do wachtel in da dritten Reih a Frau, oi staunen,
sie moit si laut, durch‘n Soi do geht a Raunen!
Sie is soibstsicher, engagiert owa a wenk hantig,
des G’schwurbel vo die Mander, des mocht sie grantig:
„Fie ins Frauen fong Leben u, wenn die Kinder send aus’n Haus
und die grantigen Manda unta da Ean, ja, so schaut’s aus!“
Zusammenfassung
515 Leben
Gedicht Monat Juni 2024
von einer wissenschaftlichen Diskussion über den Zeitpunkt, wann das Leben beginnt
Bild Kurt Pikl (aus dem Gedicht "Achtsamkeit"
Type: witzig
Beschreibungen und Ausdrücke
Ich mag ja Kinder sehr gerne,
sind wohl das schönste Geschenk auf unserer Erde!
Wann das Leben anfängt wird oft diskutiert,
was immer wieder zu vielen Diskussionen führt!
Für mich fängt das Leben schon viel früher an!
Momente, an die ich mich noch genau erinnern kann,
neun Monate vor der Geburt, ziemlich genau,
hat immer gepasst, wenn ich auf den Kalender schaue!
Wenn jemand, den du liebst und dir gut gefällt,
wie eine Knospe aufgeht, wenn die Sonne darauf strahlt,
wie bei einem Sprudelwasser sprudelt dann das Blut,
wenn man das Pulver der Liebe in das Wasser gibt!
Wenn du von der Brücke springst, willst einfach nur fliegen,
den freien Flug genießen, bei keinem Fallschirm ziehen,
da reißt dich dann nichts zurück wie beim Buggy-Jumpen
und die Lichter im Kopf brennen wie Scheinwerferlampen!
Dass da Leben entsteht, das ist dann fein,
geht aber nicht immer, da musst du fleißig sein!
Üben, üben und noch einmal üben, das wäre mein Rat,
wenn du das vergeigst, dann wäre das schade!
Auf einer Konferenz geht es um das Thema!
Da sind eine Menge Wissenschaftler zusammen gekommen,
alles Männer, jeder widerspricht dem anderen,
Vertreter von verschiedenen Religionen die da streiten.
Bei der Zeugung meint der eine, das ist sicher!
Bei der Geburt sagt der andere, weil er sich sicher ist,
der eine schwafelt von der Wiedergeburt, es ist zum Streiten,
weil alle auf ihrer Meinung herumreiten.
Die Moderatorin versucht den Streit zu glätten,
bittet, dass sie vielleicht doch eine Einsicht hätten,
das winkt in der dritten Reihe eine Frau, alle staunen,
sie meldet sich laut, durch den Saal geht ein Raunen!
Sie ist selbstsicher, engagiert aber auch ein wenig sauer,
das Geschwurbel von den Männern, das macht sie grantigL
"Für uns Frauen fängt das Leben an, wenn die Kinder aus dem Haus sind
und die grantigen Männer unter der Erde, ja, so schaut es aus!"