Jetz is decht Fruajahr won – da Schnee is vü z’long glengn,
oi send dick uzochen gwen – ma hot vo de Dianei nit für gsegn.
Owa jetz awat’s nit nur Bleamei aus – und des tuat guat,
boid die Kidei kischza wean und wos si sist Nett’s tuat.

Ins geht’s so guat – s’Unbeschwert sei war nit schwaar
und decht is bei so vü junge Leit des Leben laar!
Sie moanand, dass dawoxn sand boid’s rachn und saufen bis zun Speibn,
bein schenst’n Weda voun Computer oder Fernseher hucken bleibn.

Send nit oi gleich – owa decht ruiniern si d’Jugend no vü z’vü
i schimpf nit iwa d’Jugend! – Was i damit sogn wü:
losst’z enk Zeit – es hüft nit – es spüts da nua mit’n Foia
boids bein Gras ziacht’s woxt’s deswegn a nit schnoia!