“Schaug ummi zu die Nachbarn – da kunnst neidig wean –
wia er sei Dianei u’himmit – er hot’s soo gean!”
Sie ligg im Liegestui, an Cocktail in da Hond
und er fohrt mit’n Rasenmäher ummanond.

“Boid d’Sun z’hoas weascht, weascht da Schirm verschoben,
I muas scho sogn, so an Gatten ku i nur loben!”
“Heascht es – es geht nur “Schatzi hi und Schatzi her”
des is richtige Liab – wos braucht a Frau no mehr!”

Da Fronz is a Spitzbua – bleagitzt aussa unterm Huat:
“So gonz vasteh i nit, warum gfoid dir des so guat?
Zu dir sogad i nia Schatzi – des is gwies
wei des die Abkürzung vo SCHAf und ZIege is!”