Tattoo

487 Tattoo

I geh jo gean in die Sauna in St. Johann,
wo i donn im worma Wossa entsponnen kann,
schee giadla a wenk schwitzen, des is gscheit,
wei dia danoch gesundheitlich nix mehr feit!

Die letzen Johr gibb’s an noien Trend,
den ma friara nua vo die Häfenbriada kennt!
Des Tätowian is heit bei gonz vüh Leit da Brauch,
hommb Büdl hint am Buggel und auf‘n Bauch,

gonz grausige Motiv, wia an Totenkopf mit Schlonga,
do kunnt an’s richtig zun grausen u’fonga,
owa a scheene Blumen, dazwischen Kindalochen,
Herschzei, Sprichei, Viechal und onare Sochen.

I woaß nid, ob i des scho gean mecht!
Boids jung und fesch bist, is scho krecht,
dass ma si die Liebhober auf’n Busen auffimoid
und dass an des bein U’schauen im Spiagl g’foid!

Donn kimmb owa irgendwann die Zeit,
wo’s nimma schee is, wo‘s longe G’sichter geit!
Na, i moa, bei dem G’Spüh moch i nimma mid,
„auf ewig dein“ am Osch, des brauch i nid!

Owa, vielleicht denken dia a wenk an morgen!
Kunnt sei, dass fie ea Oita viechisorgen!
Boid bein Sex nix mehr geht, kunnt’s g’fiarig sei,
donn kinnand‘s midnond Büdl schaun, des is decht fei!

Zusammenfassung

487 Tattoo
Gedicht Monat April 2023

eine Überlegung, warum das Tätowieren vielleicht so populär geworden ist

Type: witzig

Beschreibungen und Ausdrücke

Ich gehe ja gerne in die Sauna in St. Johann,
wo ich dann im warmen Wasser entspannen kann,
schön gemütlich ein wenig schwitzen, das ist gescheit,
weil dir danach gesundheitlich nichts mehr fehlt!

Die letzten Jahre gibt es einen neuen Trend,
den man früher nur von den Gefängnisinsassen kennt!
Das Tätowieren ist heute bei ganz vielen Leuten populär,
haben Bilder hinten am Rücken und auf dem Bauch,

ganz grausliche Motive, wie einen Totenkopf mit Schlangen,
da könnte einen so richtig zu grausen anfangen,
aber auch schöne Blumen, dazwischen Kinderlachen,
Herzchen, Sprüchlein, Tiere und andere Sachen.

Ich weiß nicht, ob ich das schon gerne möchte!
Wenn du jung und fesch bist, mag das richtig sein,
dass man sich die Liebhaber auf den Busen hinaufmalt
und dass einem das beim Anschauen im Spiegel gefällt!

Dann kommt aber irgendwann die Zeit,
wo das nicht mehr schön ist, wo es lange Gesichter gibt!
Nein, ich glaube, bei dem Spiel mache ich nicht mehr mit,
"auf ewig dein" auf dem Hintern, das brauche ich nicht!

Aber, vielleicht denken die ein wenig an morgen!
Könnte sein, dass sie für ihr Alter vorsorgen!
Wenn beim Sex nichts mehr geht, könnte es praktisch sein,
dann können sie miteinander Bilder schauen, das ist doch fein!