Verkehrskontrolle
Hardigatti, i hu an Wecka iwaheascht, i hu vaschloffen!
Den Termin in Innsbruck den muas i owa schoffen!
Eichi a die Dusch, o’trikna, no schnoi rasian,
a die Pfoad eichischliafen, die poor Hoor frisian,
woos ziach i do u? vielleicht decht a weiße Pfoad,
Schatzi, zun Fruahstucken hu i koa Zeit, es tuat ma load,
eichi in d’Hosen, wo is da Schuachleffi hikemma?
Vafluacht, is soid ja no den Laptop mitnehma!
I denk no, i hoff die Batterie is g‘lond, owa’s Kawi hu i dabei,
i hoff da Tank is voi, wei fie’n Diesel hu i koa‘n dawei!
Herrgott, braucht des NAVI long zu Starten!
Oiwei des gleiche – „sie müssen auf die GPS-Signale warten!“
Owa nocha geht’s dahi, heit geht des mit Fufzga nid,
i woas scho, eigentlich is no Ortsgebiet,
es geht nid onaschat, i muass da jetz an Vorrang nehma,
jo, do moggst scho hupen, i muas hoid weidakemma!
Na echt jetz, voan Stanglwiascht do is a Stau!
Woos is do wieda los, i tipp bei NAVI ummadum und schau!
Geh schleicht’s enk, a dreißga, des derf‘s decht nid geben,
i schaff mein Termin in Innsbruck nia mois im Leben!
Na endlich! I steig jetz amoi ondla auf’s Gas!
Verkehrskontrolle, woos mecht denn der vo mia, a so a Schaas!
Mid sein Tafei hoid a mi ausser, i bleib steh,
kurwid s‘Fensta oichi, er schaugg bled, los mi decht geh!
I woas scho, dass a Problem mid die Beomten hommb,
mid’n gscheiden Nochwuchs da happert’s, es is vadommb!
Owa krod heit wo i’s eilig hu, passt des gornid guad,
mia is eigentlich wurscht, woos der do drauß’nd auf da Stroßen tuat!
„Wissen sie, warum ich sie angehalten habe?“ Des waa sei Frog,
i woas owa im Moment a nid, wo’s is dazua sog!
Is jo bled, dass i stehbleib’m muass und eam nid hoif’n ku
und ausg’rechn’d i an Schantinger mit Alzheimer dawischt hu!
Zusammenfassung
517 Verkehrskontrolle
Gedicht Monat Juni 2024
von einem stressigen Erlebnis - ein Wordrap-Versuch
Type: witzig
Beschreibungen und Ausdrücke
Herrgott, ich habe den Wecker überhört, ich habe verschlafen!
Den Termin in Innsbruck den muss ich aber schaffen!
Hinein in die Dusche, abtrocknen, noch schnell rasieren,
in das Hemd hinein, die paar Haare frisieren,
was ziehe ich da an? vielleicht doch ein weißes Hemd,
Schatzi, zum Frühstücken habe ich keine Zeit, das tut mir leid,
hinein in die Hose, wo ist der Schuhlöffel hingekommen?
Verflucht, ich soll ja noch den Laptop mitnehmen!
Ich denke noch, ich hoffe die Batterie ist geladen, aber ich habe Kabel dabei,
ich hoffe der Tank ist voll, weil für den Diesel habe ich keine Zeit!
Herrgott, braucht das NAVI lange zum Starten!
Immer das gleiche - "sie müssen auf die GPS-Signale warten!"
Aber dann geht es dahin, heute geht das mit dem Fünfziger nicht,
ich weiß schon, eigentlich ist das noch Ortsgebiet,
es geht nicht anders, ich muss dir jetzt den Vorrang nehmen,
ja, da kannst du schon hupen, ich muss halt weiterkommen!
Nach echt jetzt, vor dem Stanglwirt da ist ein Stau!
Was ist da wieder los, ich tippe beim NAVI herum und schau!
Komm schleicht euch, ein dreißiger, das darf es doch nicht geben,
ich schaffe den Termin in Innsbruck niemals im Leben!
Na endlich! Ich steige jetzt einmal ordentlich auf das Gas!
Verkehrskontrolle, was will denn der von mir, so ein Blödsinn!
Mit seiner Tafel holt er mich heraus, ich bleibe stehen,
kurble das Fenster hinunter, er schaut blöd, lass mich in Ruhe!
Ich weiß schon, dass sie ein Problem mit den Beamten haben,
mit dem gescheiten Nachwuchs da hapert es, es ist schlimm!
Aber gerade heute wo ich es eilig habe, passt das gar nicht gut,
mir ist eigentlich egal, was der das draußen auf der Straße macht!
"Wissen sie, warum ich sie angehalten habe?" Das wäre die Frage,
ich weiß im Moment auch nicht, was ich dazu sage!
Ist ja blöd, dass ich stehenbleiben muss und ihm nicht helfen kann
und ausgerechnet ich einen Polizisten mit Alzheimer erwischt habe!