Page 51 - Flip_2015
P. 51
Politisch nid korrekt
Mia Manda fian Krieg seid ma aufrecht stehnd,
wobei die Weiwaleit und die Kinda die Orma send,
i moa, dass ma in da Woid vüh bessa dostehn tatt'n,
boid die Weiwaleit vüh mehr zun Sogen hatt'n!
Da Scheich vo Saudi Arabien hot Oberösterreich gratuliascht,
do homms des oanzige Weiwaleit in da Regierung o'serviascht,
Frauenquoten heascht ma, de waan guad,
damit si endlich amoi wos rian tuad.
Bein Bundesheer mechtns neiche Vorschläg mochen,
so gonz eanst ku des owa nid sei, des is zun Lochen,
Mannschaft, jedermann, nix is mehr richtig,
de Sorgn mecht i homm, fie se scheint's wichtig!
Wos is sogen derf woas i boid nimma,
mia kimmb vie, es weascht oiwei schlimma!
Fremdenzimma, Neger, Indiana soid ma gornit sogn,
boids da aussarutscht, kus sei, dass die glei vaklogn.
Da Text da Bundeshymne weascht diskutiascht,
wos zu hitzigen Diskussionen fiascht,
Ausländer send "Menschen mit Migrationshintergrund",
oiswia won des ebbas bessa mochen kunt!
Es kimmb woi drauf u, wost im Heaschz in fühst!
Und ob'st auf an Menschen eingeh wühst!
Gerechtigkeit fie d'Fremben und fie'd Weiwaleid -
i moa, des waar fie d'gonze Woid gonz gscheid!
A bissei vo insan Glick der Geburt o'geben,
es bleib ins sicher no gnuag zun Leben,
wer ins die Hand reicht, sei Heaschz auftuat,
den soid ma drinn aufnehma, i moa des war guat.
Mia soidn auf insa Kultur stoiz sei und aufs Lond,
owa reich' ma denen die willig send, die Hond!
Donn is gonz gleich, wia ma sie nennand,
sodass ma auf die politsche Korrektheit vagessen kennand!
I sog weida zu an Schwoz'n Neger - lochn owa u!
Mei Frau is a Weiwaleit, des wos i aso gean hu!
De gonzen Wortg'spui hüft jo iwahaupt neamb weida,
aussafinten wo da onare sei Heaschz hot waa vüh g'scheida!
50
