Page 12 - 2018

Künstliche Intelligenz

Die Greti häd gean an Monn kennag'leand
sie hoffat, dass gonz romantisch zu an Paal weand!
Dass er vor lauta Liebe gonz vaschmocht,
an Orm ummaleg, Blumen bring, Komplimente mocht.

Bei d'Schützen is sie ois Marketenderin eintreden,
wei's do sicher an gonzen Haufen Mander häden,
bei d'Jungbauern is sie Obfrau-Stöhvatreterin wohn,
do ku's mit die feschen Manda ummafohn.

Klopp owa nid, hod ois prowiascht,
sie is gonz traurig, deprimiascht!
Von Tinder hod's im Facebook g'heascht,
des muass prowian - vielleicht das des wos weascht!

Damit's sicha klopp, des waar ihr Züh,
hod's a bei Parship no a nois Profüh,
so wischt's am Handy jeden Tog,
hoffat, das oana dabei is, den sie mog.

Die meisten woind nur Sex, owa nid mehr!
D'Liab ambulant - sie häd's owa liawa stationär!
Des is nid, wos die Erwartungen send,
wüh nid ins Bett hupfen, boids'n nid gscheit kennt!

Auf'n Handy gibb's die SIRI - de woas vüh!
"Tagchen" sogg's - und wo sie wüh:
"Siri, warum ku koan netten Monn daglonga?"
So woit's die Frogarei u'fonga.

"Ich kann deine Frage nicht versteh'n!",
vielleicht ku des nur auf Hochdeitsch geh'n:
"Siri, ich will dich bitte höflich fragen,
warum bekomme ich keinen Mann, kannst'd mir das sagen?"

Es kemmand Vorschläg, die sie oi scho kennt,
wei's Tinder, Facebook oder ähnliche Seiten nennt,
so geht's a Bois dahi, da reißt ihr die Geduid:
"Siri, die Frog is oafach, wos is SCHUID?

12