Page 22 - 2018

U'baggern

Im Bus von Seinehons noch Kitzbichi sitzt da Mich,
er is bekonnt fie seine bleden Sprich!
Do steig in Oberndorf a nett's Weiwaleid ei,
er schätzt, sie miassat Mitte Zwanzge sei.
Da Bus is voi - gegeniwa'n Michi is no frei,
sie muass si zu eam sitzen - des find er fei!
Sie hod a g'stiasch'z Katzl auf'n Schoß,
do geht des U'baggan von Michi a scho los!
Er sicht, s'Dianei hod oandla Hoiz vor da Hitten,
drum losst a sich a nid log bitten:
"Die tollen Kurven send a Wahnsinn, wia i find,
und bei mir send die Bremsen hi!" Sie moand si spinnt!
Ma g'woscht, dass s'Toifei in ihre Aug'n aufblitzt,
sog owa nix, wei's nid ausmog, wo sie sitzt,
streichit ihr Katzei, krotzt's am Bauch,
da Michi moant, wos er jetz sog, des is so schlauch:
"Mei, tat i gean mit dein Katzei tauschen, des waar fei
des waa wia'ra Togtraam, des tat mi richtig g'frei!"
"Koa Problem, des kunnt ma scho arrangiean,
i fohr eh mit mein Koda zun Dokta zum Kastrian!"

22