Page 64 - Gesamt 2019

Scheidung

A Ehe is a lebenslanges Experiment,
a Erkenntnis, de woi jeda kennt!
Am U'fong gibb's Bussi und an Strauß voi Rosen,
owa spadaaussi geht's decht oft in die Hosen!

Da Hons und d'Lisi send scho long a Poor,
hommb Kinda midnond und Heislbaud vou anedla Johr,
die Kinda send dawoxen, is scho schwaar,
auf oamoi is des Haus so stad und laar.

Sie schaug'n gegenseitig auf'd Fehler, es weascht vüh g'strieden,
gehn'd si aus'n Weg, die Diskussion weascht g'mieden,
nix passt mehr, ois is foisch, wos da onare tuat,
ma g'woschtz, do weaschtz krochen, des geht nid guad!

Bevor die Beziehung komplett eskaliascht,
send die Airbags vo da Soi auf oamoi explodiascht!
Sie einig'n sie, dass zu oana Scheidung kimmb,
bessa wia die ewige Streiterei is des bestimmb.

Wer an Hund k'hoit, wer hod des Wohnrecht in dem Haus,
sie kemmand aus'n Streit'n oafoch nimma draus.
Oi zwoa woind an Rechtsanwoid, de soind'n des richten
und vor dem G'richt die Streitereien donn endlich schlichten.

Da Hansi huckt gonz voan bein Kruzifix,
hinta eam die Familie, do nutzt ois nix,
die Anklage weascht vorg'lesen, er is gonz bloach,
da Schwitz rinnt ocha, die Knia sand woach.

Wos eam die Lisi vorwirft weascht valesen,
is jo a richtig longe Listen g'wesen!
Von Klo nid putzen, vom b'suffen Hoamkemma,
die dreckigen Schuach vom Fernsehtischl nemma....

64