Dochschaden
Wia’s mi g’mocht hommb, moan i is da Zug vorbeif’ohn,
oda siehst is irgendwie wo’s onascht wohn,
d’Leit sog’n i hu adiam a onare Sicht auf Leben,
is owa nid so schlimm, sowas soid’s ja geben.
Wenn i mi so umschau, siech i monchmoi Sochen,
iwa de si onare koane großen Gedonken mochen.
Lustige – owa a amoi ebbas zu Denken,
denen onare nid so vüh Aufmerksamkeit schenken.
Boid i a Gedicht schreib – des tua i jo recht gean,
oda a Büd moi, de oft gonz onascht wean,
schaung mi die Leit oft gonz vaständnislos u,
vastehnt nid, wo’s i mid meina Gschicht gmoand hu.
Irgendwie geh’nd die Kabel onascht hin-und-her,
i moa a, des is fix – des ändascht si nid mehr,
i mog eigentlich gornid “erwoxen wean”,
a bissei kinnisch sei, des mog i gean.
Mia kimmb fie, dass des a an gewissen Voaschtl hod!
Boid’s onasch waa, waa des woi schod,
i hu mein Dochschoden eigentlich gonz gean,
wei boidst koa Doch nid host, siggst besser auf die Stean.
Zusammenfassung
426 Dochschoden
Gedicht Monat September 2020
in eigener Sache
Bild Kurt Pikl Acryl 40 cm x 50 cm
Type: nachdenklich, witzig
Beschreibungen und Ausdrücke
Wie sie mich gemacht haben, glaube ich, ist der Zug vorbeigefahren,
oder sonst etwas ist irgendwie anders geworden,
die Leute sagen, ich habe manchmal eine andere Sicht auf das Leben,
ist aber nicht so schlimm, so etwas soll es ja geben.
Wenn ich mich so umschaue, sehe ich manchmal Sachen,
über die sich andere keine Gedanken machen.
Lustige - aber auch einmal etwas zum Denken,
denen andere nicht so viel Aufmerksamkeit schenken.
Wenn ich ein Gedicht schreibe - das mache ich ja recht gerne,
oder ein Bild male, die oft ganz anders werden,
schauen mich die Leute oft ganz verständnislos an,
verstehen nicht, was ich mit meiner Geschichte gemeind habe.
Irgendwie gehen die Kabel anders hin-und-her,
ich meine auch, das ist fix - das ändert sich nicht mehr,
ich mag eigentlich garnicht "erwachsen werden",
ein bisschen kindisch sein, das mag ich gerne.
Mir kommt vor, dass das einen gewissen Vorteil hat!
Wenn es anders wäre, wäre es wohl schade,
ich habe meinen Dachschaden eigentlich ganz gerne,
weil - wenn du kein Dach hast - siehst du besser auf die Sterne.