Kliabmaschin
An Fruahjohr weascht des Scheidlhoiz gor,
do is wichtig, dass wo’s nochikimmb oi Johr,
da Sepp hod’s Servituthoiz bein Traktor hint u’keng
und nocha bei Haus zuachi auf die 30ge o’gleng.
Da Kliawa is kricht, es geht flott dahi,
da Sepp tuat des nid u’gean kammad ma boid vie,
im Radio plärren oide Schloga im Ö-Regional,
da Sepp hod eh d’Ohrenschützer auf, drumm is des egal.
Da kloa Franzi tuat mid’n Bobycar Hoizknecht spühn,
mecht si so storch ois wia da Papa fühn,
a poormoi fichi, nocha wieda reversier’n,
er hod scho oft tu – do ku nid vüh passian.
Auf oamoi heascht ma von Sepp an lauden Schroa!
Die Mam is krod bein Jausenmochen – ku nix toa,
rearata kimmb’s kloa Mannei und hebb si d’Wong:
„Jo Franzei, wos is dia passiascht!“, frog si gonz bong.
„Da Papa hod nid aufpasst, hod si a Finga ei’zwickt!“
Da kloa Bua schluchzt aso, dass a schiaga dastickt!
„Owa donn brauchst du decht nid rean, da Papa hod den Weh!
Warum hebbst da denn’s G’sicht – des is wos i nid vasteh!
I saus glei aussi, schau ob i an Papa hoifn ku,
owa warum reast du so hoatala – du host da jo nix tu!“
„I moa, dass des koan großen Unterschied mehr mocht,
wia da Papa ummak’upft is, hu zeascht eh no g’locht!“
Zusammenfassung
423 Kliabmaschin
Gedicht August 2020
(Spaltmaschine) was passieren kann, wenn man zum falschen Zeitpunkt lacht
Bild Internet
Type: witzig
Beschreibungen und Ausdrücke
Im Frühjahr geht das Scheitholz aus,
da ist es wichtig, dass etwas nachkommt alle Jahre,
der Sepp hat das Servitutholz beim Traktor hinten angehängt
und dann vor dem Haus auf 30 cm abgelängt.
Die Spaltmaschine ist hergerichtet, es geht flott dahin,
der Sepp macht das nicht ungern, kommt mir fast vor,
Im Radio plärren alte Schlager im Ö-Regional,
der Sepp hat Ohrenschützer auf, darum ist das egal.
Der kleine Franzi spielt mit dem Bobycar Holzknecht,
möchte sich so stark wie sein Papa fühlen,
ein paarmal vorwärts, dann wieder reversieren,
er hat das schon oft gemacht, da kann nicht viel passieren.
Auf einmal hört man vom Sepp einen lauten Schrei!
die Mama ist gerade beim Jausenmachen, kann nichts machen,
weinend kommt der kleine mann und hält sich die WangeL
"Ja Franzei, was ist dir passiert!" fragt sie ganz bange.
"Da Papa hat nicht aufgepasst, hat sich den Finger eingezwickt!"
Der kleine Bub schluchzt so, dass er fast erstickt!
"Aber dann brauchst du doch nicht zu weinen, der Papa hat den Schmerz!
Warum hältst du dir denn das Gesicht - das ist was ich nicht verstehe!
Ich laufe gleich hinaus, schaue ob ich Papa helfen kann,
aber warum weinst du so erbärmlich - du hast dir ja nichts getan!"
"Ich glaube, dass das keinen großen Unterschied mehr macht,
wie der Papa herumgehüpft ist, habe ich eh zuerst noch gelacht!"