Page 19 - 2017

Imbm

In dem Lond mit'n Hoibmond send demnext die Woihn,
wos sie do o'spüht, des ku ins nid g'foin!
Do weascht g'strieden, vaklog und d'Leid eing'speescht,
es geht jeden schlecht, der si dagegen weescht.

A jeda, der dagegen wo's schreib oder sog,
oda den Bledsinn kritisch hintafrog,
kriag a Hitlerbaschtei unta d'Nosen g'moid,
wei eana der Vagleich mit d'Nazi so guad gfoid!

Wia's Rumpelstilzchen hupfen dia Voandru im Kroas,
zun Woihkompfmochen schicken's d'Politika auf'd Roas,
sie soiden bei ins die Leit u'werben,
und send beleidigt, boid mia ea den Spass vaderben!

Irgendwie kimmb mia do der Vagleich in Sinn,
vielleicht a wei i a wenk hintafotzig bin:
Boids do zun Woihkompf in onare Länder fohnd,
is des wia wonn da Metzger die Fok zun Grillen einlohnd!

I tat dia Politika jo scho zu ins eiloden,
so soibstsicha soid ma scho sei, des tat nid schoden,
sie brauchen a koa Vaonstoitungslokal mehr suachen,
i tat ea oafoch a schee's Zimma in Hoi ob'n buachen!

Des oanzige an dem G'schroa is vielleicht richtig:
Boid ma mehr Kinda mochen taten, des waar wichtig
is owa a des Trainian so richtig fei,
es muas jo nid glei Rennfohn sei!

Die Tirggen mechten jetz gean insare Imbm klog'n,
wenns noch die gonzen Diskussionen koa Kopftuach mehr trog'n!
I sorg mi scho a, woher weand mia den türkischen Honig herkriang,
wonn die Imbm donn am End bei ins ohne Kopftuach fliang!

19