Page 40 - 2018
P. 40
Pitschi Patschi
„Kevin, setz jo den Helm auf, wennst in Kindagoschten gehst!
Und dass’d ma jo nid z’long bei die ondan Kinda stehst!
Siehst hoist da womigla no a Infektionskronkheit,
nimm a Desinfektionstiachi mid, i moa des waa g’scheit!
Mittag gibs a Käsekrainer – gonz vegan,
woind nix riskieren, wei mia liawa vorsichtig san!
Und dass’d ma jo die Dolce&Gabbana-Hosen nid vasaust
und auf die noie Burberry-Jacken schaust!
Nid s’Katzei streichin, siest fong’s u zun Jucken,
wo’s guad funktioniascht is bein Computer hucken!
Du host ja scho die noieste Virtual-Reality-Brühn,
da kust di mit da Natur gonz eng vabunden fühn!“
In die Ferien geht’s zu Oma und Opa noch Tiroi,
do fühd si da kloane Kevin oiwei woi.
Er kriag a Strausshosen und a s’Werkzeig dazu,
mit’n Logerhauskappi is a komplett, da Bua.
Bei die Keiwi helfen, an Hei oben hupfen,
durch die Lucken des Stroh ochaschupfen,
an Kuadreck auf’n Misthaufen schiam,
bei die Fakki hebb a scho die Nosen zua – adiam!
Des scheenste is owa, an Bachi zuaschaun,
oder mid die Stoana und Ean a Speermauer z’baun,
boid im Wossa vor eam des Sunliacht tonzt,
siecht ma, wia da Viewitz in die Augn glonzt!
Pitschi, patschi – no an kloan U’lauf nemma,
ma siecht, es weascht glei zu an Bauchfleck kemma!
Pitschi, patschi – er hod die Augen zua,
jetzt g’spiad a sie soiwa amoi der Bua!
Pitschi, patschi – derfst G’wond ruhig u’botzen
a boid um di umma a poor schimpfen iwa die Frotzen!
Pitschi, patschi – mid’n Leben is wia mid die Moosbeenocken,
is so vüh Schee’s do, derfst nur nid z’faui sei zun Brocken!
40
