Page 44 - 2018
P. 44
Alternativen
Oi Tog heascht ma an Hubschrauber kreisen,
oda, dass mit da Rettung d’Leit einweisen,
die Presse und des Fernsehen bringan’s jeden Tog,
sodass i scho gornimma hihearn mog!
Send mit die Sandalen im Gebirg
und wundan si nocha, iwa des G’wirg,
des hommb, wenns nocha steiler weascht,
des send nocha dia, vo de ma in die Medien heascht!
Da Fronz hod si owa akribisch vorbereit!
Die Kletterausrüstung is des Beste, wos zun kaffen geit!
Er is si sicha, dass des seine Freind imponiascht,
boid a gonz alloa zun Klettern geh'n prowiascht.
Von Stripsenjoch iwa die Stoanane Rinn zur Scharten,
die Luft geht eam aus, er muas a wenk warten,
iwa die Angermannrinn geht’s auf’n Predigtstuhi,
ins Gipfibuach eintrogen is scho a bsunnas Gfuih!
Die Botzonscharten waar sein größtes Züh!
Is a Viera, owa des schafft a, hod a’s Gfüh!
A Rutscha, a Moment unkonzentriascht, a Schroa
und scho geht’s owaus, er ku nix mehr toa!
Dawei a so iwa d’Foisen oichizischt,
gwoscht a, wira mit da Hand an Latschenzweig dawischt.
Er schaugg noch unten, eam stockt des Bluad:
A poor hunnascht Meter nix – des is nid guad!
Die Tiroa sogen, dass der Herrgott bei eana wohnt,
vielleicht dass sie do a letzter Rundruaf lohnt:
„Is do jemand?“ schreit da Fronz gonz laut,
dawei er voi Grausen in den Abgrund schaut.
„Ja! Sprich ein Gebet und lasse los!“
sogg a tiafe Stimme, er mocht si schiaga in die Hos!
„Ich habe mein Blut für dich gegeben,
leg deine Zukunft in meine Hand und auch dein Leben!“
44
